Veðráttubreytingar í suðrinu

Góðan daginn kæru lesendur.
Þá er föstudagurinn mættur á svæðið með allri sinni dýrð. Dagarnir hafa verið ágætir svona, Raggi hefur haldið sig heima við. Hann á að reyna sem minnst á fótinn fyrir mánudaginn til að það verði sem minnst bólga í hnénu þá. Svo að við höfum bara haft það notalegt heima fyrir.

Í gær kom reyndar svo rosalega gott veður að við gátum ekki annað en skellt okkur aðeins út. Það var 23°hiti og ekki ský á himni. Við héldum uppá það skötuhjúin með því að kaupa handa mér Iphone 4s :) :) :)
Draumsíminn minn í lengri tíma og ég lét loksins verða af þessu og er mjög ánægð með kaupin. Raggi fékk nú líka fyrir sinn snúð, Macbook Pro fartölvu sem hann pantaði á Apple.

Skvísan mín í sólbaði!

Sundlaugarbakkinn góður, viðurkenni þó að vatnið var kaaaalt!

Í gærkvöldi fórum við síðan nokkur saman á myndinni Act of Valor. Það var hermynd sem er ekki frá sögu færandi nema leikaranir eru alvöru hermenn og ekki lærðir leikarar. Þessi mynd var svona á báðum áttum hjá okkur, svöl atriðin og rosalegt að sjá tæknina sem er komin í þessu stríðsdæmi öllu saman. En hún var alls ekki vel leikin og svo Amerísk á köflum að ég íhugaði að nota popppokann sem ælupoka. Þjóðsöngurinn og allur pakkinn og auðvitað tileinkuð öllum hermönnum sem hafa látist og þið þekkið restina.


Í dag var ekki alveg sama staðan á veðrinu. Vöknuðum upp við sírenur, það gerist reyndar alveg stundum svo að við vorum ekkert að kippa okkur upp við það mikið. Nema þegar við loksins vöknuðum þá kom í ljós að það var búið að loka öllum skólanum og campus svæðinu eins og það lagði sig. Sírenurnar voru viðvörun útaf fellibyl en þeir voru 2 sem mættu bara hingað í bæinn okkar og það verður Fellibylavakt í gangi í allan dag. Það gengur ekki að vera monta sig af veðrinu virðist vera, maður fær það allt í bakið!!

Þessi mynd er tekinn rétt hjá húsinu okkar

Fordinn okkar fór í skoðun á fimmtudaginn. Ákváðum að fara með hann bara í umboðið þar sem hann var farinn að haga sér vægast sagt leiðinlega. Okkur var síðan bara skutlað heim á glænýjum Mustang og sótt eftir skoðun. Ég var búin að semja jarðarfarasálma fyrir gripinn en það var síðan mest lítið að honum og hægt að laga fyrir 10.000 kr og frábær þjónustu. Vorum ekkert smá ánægð með það!

Helgin er nokkuð óráðin, erum að vona að tölvan hans Ragga láti sjá sig en það tefst eitthvað sökum fellibyls. Ég þarf að læra aðeins í þjóðhagfræðinni, eintóm gleði.
Svo er vika í mömmu, Valda, Snorra og ViggLigg svo það er ekki lítið spennandi framundan.Verður örugglega frekar erfitt samt að láta þessa vikuna líða!!!
Eigið góða helgina :*
Knús, Líf