"Every great dream begins with a dreamer. Always remember, you have within you the strength, the patience, and the passion to reach for the stars to change the world."
Harriet Tubman
Átti dásamlegt kvöld í vikunni með vinnufélögum mínum en við fórum í smakkseðil hjá Tapashúsinu niðrá höfn. Ég hafði aldrei borðað þar fyrr en ég get svo sannarlega sagt að ég varð ekki fyrir vonbrigðum!!
Hér má sjá brot af veitingunum:
Ef ég yrði að velja einn rétt sem stóð uppúr.... Þá yrði ég að velja tvo ; Lynghænuna og humarinn.
Ég fór á rosa flotta Árshátíð síðasta laugardag í Vodadone höllinni hjá Íslandsbanka. Ég verð að viðurkenna að ég var einna mest spennt fyrir því að sjá skreytingarnar. Þemað var Tívolí og búið var að endurgera höllina sem Tívolíið í Kaupmannahöfn með mjög eftirminnilegum árángri.
Við erum að tala um hringekju, ristaðar möndlur, canfy-floss, trúða, leiktæki og margt fleira. Síminn minn dó auðvitað fljótlega sem var kannski ágætt , annars hefði ég mögulega verið OFF allt kvöldið í Iphonemyndatökum sem hefði mögulega verið óþarflega vandræðalegt.
Það er svo gaman að fara á Árshátíðir, en ég er einmitt á leið í eina slíka næsta Laugardag hjá Vökunni minni og ég er hrikalega spennt. Einnig fleiri skemmtilegir viðburðir framundan en meir um það...... síðar :)
----------------------------------------------
Ekkert er ómögulegt þegar kemur að skreytingum og þessi skemmtun var gott dæmi um það :)
Það skemmtilegasta við þau er hversu ólík þau eru eftir því hver á í hlut og hvað hver og einn setur sinn persónulega svip á þau.
Ég er byrjuð að skipuleggja fyrsta brúðkaupið en það verður haustbrúðkaup, sennilega skemmtilegasta verkefnið hingað til.
Það er sannarlega endalaust úrval af skemmtilegum hugmyndum, nú er að vinna úr þeim og skapa eitthvað ógleymanlegt. Mikil og skemmtileg vinna framundan.
Mars-mánuður er tími Árshátíða hjá mörgum. Þannig er það einmitt hjá mér en ég fer líklegast á 2-3 árshátíðir þetta árið. Ég viðurkenni alveg að það væri sko ekki ónýtt að geta skottast í H&M og fleiri búðir í Bandaríkjunum núna og náð sér í 3 dress eða svo. En það er ekki alveg jafn auðvelt hér á klakanum góða. Þegar ég bjó úti vantaði stundum tilefnin fyrir fallega kjóla en hér heima vantar að geta keypt sér fallega kjóla á góðu verði.
Rakst á þessa á netbrölti morgunsins:
Asos, Nastygal, Forever 21 & H&M.
Það verður reyndar að teljast harla ólíklegt að einhver þeirra verði minn árshátíðarkjóll þar sem ég er nú ekkert á leið út en það má alltaf láta sig dreyma og fá hugmyndir. Eina sem ég er búin að ákveða er að vera ekki í svörtum, ég á alltof marga svarta kjóla og það styttist nú í sumarið.
Veðrið í Reykjavík svíkur ekki frekar en fyrri daginn.
Ég byrjaði daginn á 90 mínútna heitsteinanuddi, ég hugsa að það séu ekkert margar betri leiðir til þess að byrja daginn.
Langaði að deila með ykkur smá ljúfmeti .
Ég prufaði að gera svona fyrir nokkrum vikum síðan en ég sá mynd af svipuðu á netinu en gerði mér ekki alveg grein fyrir því hvað nákvæmlega væri í því. Ég átti hvítt súkkulaði sem ég bræddi og Múslí. Svo keypti ég jarðaber og dýfði þeim í súkkulaðið, því næst fór jarðaberið í múslibað og þaðan í kæli þar til það þornaði.
Útkoman var mjög góð og væri ekkert alvitlaust Valentínusarsnarl.
Já það er Valentínusardagur og já ég ætla mér að gera eitthvað rosalega væmið og rómantískt því að það er svo gaman að gera eitthvað öðruvísi og skemmtilegt, sama hvaðan siðurinn kemur.
Síðustu vikur hafa verið hreint út sagt ótrúlegar!
Ég er svei mér þá ennþá að ná mér niður.
Í gærkvöld kláraðist kvöldskólinn sem ég hef verið í síðan í janúarbyrjun og í síðustu viku héldum við Framdaga & kosið var til Stúdentaráðs. Það er því kannski ekki að ástæðulausu að síðustu dagar hafa hreinlega flogið hjá og allt í einu er komin febrúar og rúmlega það. Það breytir því þó ekki að ég mun aldrei gleyma þessum janúarmánuði, öllu því sem gekk á, sigrunum & öllu því yndislega fólki sem ég hef fengið tækifæri til þess að kynnast.
Mér finnst oft rosalega gott að hafa mörg járn í eldinum og hafa alltaf nóg fyrir stafni, það breytir því þó ekki að hvíldir inná milli eru langþráðar og nauðsynlegar.
Fyrst voru það Framadagar en það verkefni hófst snemma í nóvember.
Undirbúningur:
Forstjóraviðtöl fyrir auglýsingaherferð
Skipulagning, uppröðun fyrirtækja
Allt byrjaði þetta sem teikning á blaði!
Raggi að halda erindi á upplýsingafundi fyrir
fyrirtækin.
Bæklingurinn okkar
Lukkuhjólið að verða klárt!
Blöðrumanía
Uppsetning bása
Spenntur viðburðarstjóri !
Gert & græjað
Dagurinn sjálfur:
Ég sá um standandi kokteil í fyrsta skiptið. Í lok dagsing komu fyrirtækin saman í snyttur & léttvín. Það var mjög skemmtileg reynsla og ég vona innilega að þetta sé ekki í síðasta sinn sem ég fæ svipuð verkefni.
Viðburðurinn tókst vonum framar og voru allir sem komu að máli við okkur rosalega sáttir og Framadagateymið í skýjunum með árangurinn.
Því bar að sjálfsögðu að fagna:
Sáttar Mohito-systur á UNO
Raggi & Dana handsome með sína kokteila.
Skálað.
Stærsti viðburður sem ég tek þátt í að skipuleggja og mér langar að endurtaka hvern dag. Það er án efa draumurinn minn að fá einhvern tímann tækifæri til þess að starfa í tenglsum við námið mitt og í nákvæmlega þessum geira. En það er þá bara að stefna hátt, þýðir ekkert annað!
Á sama tíma var ég svo óstjórnlega heppin að vera partur af frábærum hóp fólks sem bauð sig fram til stúdentaráðs. Allt í einu var ég komin í framboð fyrir hönd míns sviðs, félagsvísindasviðs. Það var alltaf eitthvað skemmtilegt að gerast en á sama tíma mikil og krefjandi vinna. Ég kynntist fullt af nýju og skemmtilegu fólki á sama tíma og ég öðlaðist dýrmæta reynslu sem ég mun alltaf búa að. Ég get ekki beðið eftir áframhaldandi samstarfi!!
Nokkrar myndir úr ferlinu:
Við Vera mín á leið til Laugavatns
Kökuboð Vöku.
Gísli Marteinn dómari í bollakökukeppni
Lukkuhjólið góða!
Beer-Pong
Meira beer-pong
LOKS = Sigur.
Það skemmdi náttúrulega ekki fyrir hversu stóran sigur við unnum í lok seinni kosningadagsins. Ég mun aldrei gleyma þessum skemmtilega sem og lærdómsríka mánuði og þessi færsla mun hjálpa mér við að rifja hann upp.
Mér finnst mjög svo viðeigandi að enda þetta á úrslitastundinni en þetta er augnablik sem ég mun aldrei gleyma:
Takk allir sem að komu fyrir stórskemmtilegar stundir!
.jpeg)
.jpeg)
.jpg)
.jpeg)
.jpg)
