H&M

Að skreppa í H&M án þess að hreyfa hvorki legg né lið, hljómar óraunsætt en er engu að síður möguleiki ef maður á góða að.

Gott fyrir veturinn.

Annars var ég að uppgötva áður óséða hluti. Hjá mér að minnsta kosti, ein sem ég er að vinna með frá Svíðþjóð benti mér á þennan unað. H&M heimilislínuna sem að mér vitandi fæst aðeins þar en er yndisleg engu að síður ;

Kannski liggur leið manns einhvern tímann til Svíðþjóðar, þá veit ég hvaða stað ég mun heimsækja :)

- Líf

Sumarbústaðar - notalegheit.

Dásamleg helgi að baki.

Það er svo gott að stíga aðeins út frá lærdómsumhverfinu, bara til þess eins að slappa af og borða góðan mat í faðmi fjölskyldunnar.

Það var nákvæmlega það sem helgin fór í, í sumarbústað í Miðhúsaskógi. Mér finnst alltaf svo fallegt á því svæði og þegar ég var yngri ætlaði ég sko að eiga sveitabæ rétt hjá Laugavatni, veit nú svo sem ekki hvað verður úr því í framtíðinni.

Flott saman

Það var spilað

Og hlaupið, enda fátt betra en heitur pottur eftir erfitt hlaup

Sætar systur í pottinum

Mikið kúr

:)

Vigný Lea á róló

Við skötuhjúin sáum um forréttinn á laugardeginum, reyndar aðalega Raggi. Það er sko ekki leiðinlegt að Raggi gefur mér ekki tommu eftir í mataráhuga og eldamennsku og okkur finnst fátt skemmtilegra en  að útbúa góðan rétt með tónlist á fóninum.

Svona lofar alltaf góðu :)

En það var humar sem varð fyrir valinu, keyptum Kolaportshumarinn og urðum sko ekki fyrir vonbrigðum og verðið var gott.

Hráefni ; 

600 g. pillaður humar 

100 g. brætt smjör

2 stk. kramdir og saxaðir hvítlauksgeirar

Smávegis steinselja, fínsöxuð

Salt

Hvítlaukssósa ; 

2 stk. fínsaxaðir hvítlauksgeirar

1/2 dl koníak

1/2 l rjómi

Smá vegis steinselja, fínsöxuð

Salt og pipar

100 g smjör

1/2 sítróna

Aðferð ;

Humarinn var steiktur á pönnu uppúr smjöri, koníak var sett út í það og látið sjóða. Því næst var rjóma bætt út í og látið sjóða niður um helming og kryddað með sali og pipar.
Afangurinn af smjörinu fór svo út í, ásamt steinseljunni og safinn úr sítrónunni kreistur yfir allt saman.

Humarinn, pillaður og klár

Steiktur á pönnu

Steinseljan skorin smátt

Borið fram á ristuðu brauði með sósunni og
góðu hvítvíni.

Þessi uppskrift er úr þáttunum GRILLAÐ, matreiðsluþáttum sem sýndir voru á Rúv.

Mamma fylgdi okkur fast á hæla með heimagerðri jógúrtsósu, nan brauði, hýðisgrjónum og kjúkling sem smakkaðist afar vel.

Við enduðum síðan góða helgi á lummum hjá tengdó á skaganum og afmæli hjá afa mínum sem er 76 ára í dag. Til hamingju með daginn elsku afi ;)

Nú er það alvaran á ný, stærðfræðipróf seinnipartinn og mikill lærdómnur! En að er stutt í næstu helgi sem verður ekki af verri endanum.

Þangað til næst,
- Líf

IKEA

Hin eina sanna.

Við vorum að ræða IKEA verslunarkeðjuna í markaðsfræðitíma í dag í Háskólabíó.

Um sögu hennar til dæmis og þá kom það í ljós sem að ég vissi ekki að þegar þeir voru nýlega komnir á markað þá gerðu þeir könnun um hvernig fólki líkaði vörurnar, verslunin og svo framvegis. Fólk kom með ýmsar athugasemdir; verslunin væri kuldaleg og alltof stór.

Þá snéru IKEA framleiðendur vörn í sókn og rúmlega það. Þeir fóru í svakalega herferð sem fólst í því að þeir fengu að setja myndavélar inná heimili fólks, til að geta lagað verslunina sem og vörurnar af þörfum fólksins.

Það er ekki hægt að segja annað en að það hafi þeim tekist einstaklega vel og kannanir báru vott um mikinn árangur.

Persónulega hef ég afar gaman að því að "skjótast aðeins" í IKEA, það er alltaf eitthvað nýtt að sjá og síðast en ekki síst ; Verðið. Yfirleitt finnst mér verðin sanngjörn og henta námsfólki einstaklega vel. Að geta keypt sér einn og einn hlut sem gerir heimilið aðeins notalegra á viðráðanlegu verði.

Nokkrir hlutir sem mér finnst mjög sniðugir og skemmtilegir frá IKEA á mínu heimili sem hafa safnast saman síðan við byrjuðum að búa ;

Blómapottarnir eru uppáhalds!

Veggskraut á baðherginu

Fyrir skipulagið í eldhúsinu

Gamaldags vatnskanna

Bókailla sem og skilrúm, afar hentugt.

Á Óskalistanum;

Loftljós

Ef lagerinn af ilmkertum klárast einhvern daginn hjá IKEA,
þá eru allar líkur á að ég komi eitthvað nálægt því.

Rosalega smart fjólublár skenkur

Töff

Langar í dúk á eldhúsborðið, þessi efnismeter gæti gengið ef hann yrði klipptur
flott til

Skálar í eldhúsið

Í næstu viku er planið að ljúka við svefnherbergð og finnst mér það nú ljómandi góð ástæða til að skella sér í IKEA, aldrei að vita nema einhverjir krúttlegir hlutir fái að fylgja með! Bara pínu smá :)

Eigið yndislega helgi, það stefnir í slíka hjá mér í sumarbústað með fjölskyldunni. Það er ekkert betra en að slappa af og borða góðan mat.

- Líf

Heill og fylltur

Heill kjúklingur.

Er eitthvað sem ég gríp yfirleitt þegar ég fer í matarbúð, það er svo rosalega gott að eiga eitt stykki í frystinum.

Mér finnst hann mjög góður, steiktur í ofni með frönskum ekkert vesen.

En ég fékk þá flugu í hausinn í vikunni að prófa að fylla hann. Ég skrifaði herlegheit á miða til að versla í hann en svo ákvað ég að vera rosalega hagsýn og nota bara það sem væri til. Það reyndist smá flókið þar sem ég ákvað þetta áður með tilliti til þess að farið yrði í búðina.

Svo niðurstaðan var svona ;

- Sveppir 

- Rauðlaukur

- Paprika

- Laukur

- Lime

- Rjómaostur

- Maisbaunir

- Skinka 

- Sætar kartöflur 

Kannski ekki beint týbísk fylling en ég ákvað samt að láta vaða. 

Sósan er heit og hún er alveg í sérflokki. Ég meina það! Ég tárast því ég vil ekki sjá hana klárast þegar hún er í matinn.  Ég fékk hana í fyrsta sinn hjá Vigni bróðir hans Valda. Ég veit ekki nánar um uppruna hennar en hún kallast Ollusósa engu að síður.

Ég er alveg veik fyrir heitum sósum, rætt hefur verið um að byrja að skammta mér hreinlega þegar slíkt er á boðstólnum, ég tala nú ekki um ef það er heit sveppasósa! Þá er ég til vandræða :)

Ollusósan ; 

- Safinn af maís-baununum

- Rjómi

- Aromat

- Salt

- 1 stk. Svínatengingur 

Ég setti pottagaldrakryddið ; Kebab kjúklingakrydd á kjúklinginn en ég er mjög mikill aðdáandi pottagaldrakryddana. Sérstaklega heitu pizza og ítölsku.

Svo var bara öllu saman hent inn í kjúklinginn og bundið fyrir.

Þetta tókst afar vel til og er rosalega fínn fimmtudagsmatur, nú eða bara hvaða dag sem er.

Kex Hostel

Það er alltaf sagt við mann reglulega hvað maður sé heppnin að hafa vinnu.

Það er reyndar alveg rétt, ég tala nú ekki um hvað maður er heppin að hafa vinnu með skólanum og getað púslað öllu saman svo að bæði virki. Algjör forréttindi!

Ég datt í myndastuð í vinnunni og smellti nokkrum velvöldum sem mig langar til að deila með ykkur. Persónulega finnst mér Kexið rosalega vel hannaður töff staður, öðruvísi er orðið sem á kannski einna best við.

Kexið er staðsett á Skúlagötu 28 og var áður Kexverksmiðjan Frón en hostelið, barinn og veitingarhúsið var sett upp í aprílmánuði í fyrra svo þetta er allt frekar nýtilkomið.

Gjörði svo vel ;

Veislusalurinn eða gymmið eins og hann kallast.

Útisvæðið, er í stækkun.

Barinn

Móttakan, hér sit ég.

 Setustofan.

Tómataplantan í glugganum okkar,
dýrindis tómatar á hverjum degi :)

Gömul vörulyfta = Töskugeymsla

Svo skemmir nú ekki fyrir hvað er skemmtilegut mórall og hresst fólk sem vinnur með mér.

Djass alla þriðjudaga og alltaf eitthvað um að vera.

Allir að kíkja á Kex!

- Líf

Miðvikudags -

Rölt í höfuðborg höfuðborgarinnar eða í Miðborginni.

Það er rosalega hressandi að taka göngutúr, sérstaklega þegar veðrið er eins og það er nú!  Sólin lét sjá sig á ný og ég er ekki frá því að ég hafi saknað hennar.

Læt fylgja nokkrar úr göngu dagsins, en tók aukahring á leið í vinnuna.

Það er rosalega margt og mikið að sjá, ég tala nú ekki um bara á Laugarveginum. Ég hef mjög gaman að því að sjá hversu margir láta sjá sig og sjá aðra og mannlífið er líka svo skrautlegt!

Ég hef lengi verið þeirrar skoðunar að Íslendingar klæði sig svo skemmtilega, vissulega eru ákveðnir tískustraumar hverju sinni en yfirleitt finnst mér fólk bara klæða sig nákvæmlega eins og því langar. Útkoman verður skemmtileg og litrík og ég er nokkuð viss um að það er ekki eins algengt í öðrum löndum.

Tjörnin og Fríkirkjan

Ég vil ekki meina að ég sé hlutdræg þegar ég nefni hvað Tjarnargatan er yndislega falleg!

Og þá sérstaklega gömlu virðulegu húsin!

- Líf